Chempionlik uchun kechadigan jang tashkilotchilarining habar qilishicha, yaqinda yakkama-yakka olishuv chog'ida Ruslan chap oyog'idan qattiq jaroxat olgan.

Mashg'ulotlar chog'ida extiyotsizlik tufayli sodir bo'lgan bu voqea o'zbek bokschisining jiddiy davolanishini talab etmoqda.

"U mashg'ulot chog'ida chap oyoini katta qadam bilan keskin ortga tashlar ekan, og'riqdan qichqirib yuborganini eshitdim”, deya bu jaro xatni izoxlaydi Chagaevning murabbiyi Mihael Timm. “O'sha zaxotiyoq tushundimki, Ruslan uchun juda yomon xodisa sodir bo'ldi.

“Mening oyog'imga huddi tosh urilgandek bo'ldi”, deydi Chagaevning o'zi bu xaqda. “Bu mening sportdagi kareramga salbiy tasir ko'rsatmay qolmaydi. Ammo men baribir boksga qaytaman!”

Ko'ngilsiz voqeadan keyin jaxon chempionini Gamburgdagi klinikaga olib kelishgan. SHifokorlar bu jaroxatga “oyoq yuzi paylarining qattiq cho'zilishi”, degan tashxis qo'yishgan. Endi bokschini operasiya stoliga yotqizishdan bo'lak chora qolmagan va buni tez kunlarda amalga oshirish talab etilmoqda. Sportchining shifokori Mihael Enertning aytishicha, xozirgi paytda Chagaev mashg'ulotlarga qatnay olmaydi, uni faqat yil ohiriga qadar yana ringga qaytarish mumkin.

Chagaev - Valuev jangi joriy yilning 5 iyulida Germaniyaning Halle shaxrida o'tkazilishi kerak edi. Bundan oldin ushbu jang may oyining ohiriga mo'ljallangan edi, ammo Chagaevning virus infekciyasiga yo'liqishi jangning iyul oyiga ko'chirishiga sabab bo'lgandi.